Книга Мага
Вы хотите отреагировать на этот пост ? Создайте аккаунт всего в несколько кликов или войдите на форум.

Книга Мага

Все о Таро, Рунах, гадании, магии
 
ФорумПорталПоследние изображенияПоискРегистрацияВход
123
Канон покаянный ко Господу нашему Иисусу Христу Bl
Поиск
 
 

Результаты :
 
Rechercher Расширенный поиск
Ключевые слова
нумерология хшановской
Социальные закладки
Социальные закладки reddit      

Поместите адрес форума Книга Мага на вашем сайте социальных закладок (social bookmarking)
Самые просматриваемые темы
Молитва на послушание
Книга Ангела Разиеля
Старшие арканы
Расклад "ВЗАИМООТНОШЕНИЯ" Анны Котельниковой
Заговор на удачу и достаток, который читают на рассвете
Что означает Масть Жезлов в таро
РАСКЛАД " АНАЛИЗ ОТНОШЕНИЙ "
Техника Жива
Расклад "СОЮЗ" (ДВА КОЛЬЦА) из книги А. Клюева, Е. Колесова и А. Котельниковой "Расклады и опыт истолкования Таро".
Что означает Масть пентаклей в таро
Февраль 2024
ПнВтСрЧтПтСбВс
   1234
567891011
12131415161718
19202122232425
26272829   
КалендарьКалендарь
Последние темы
» важно
Канон покаянный ко Господу нашему Иисусу Христу EmptyПт Мар 11, 2016 9:21 pm автор Morena

» На поиск работы.
Канон покаянный ко Господу нашему Иисусу Христу EmptyПт Мар 11, 2016 9:18 pm автор Morena

» Намерение для чистки жилья руной Квеорт.
Канон покаянный ко Господу нашему Иисусу Христу EmptyПт Мар 11, 2016 9:17 pm автор Morena

» Защита от негативной энергии. От вампиризма
Канон покаянный ко Господу нашему Иисусу Христу EmptyПт Мар 11, 2016 9:16 pm автор Morena

» Защита от колдовства и астральных нападений
Канон покаянный ко Господу нашему Иисусу Христу EmptyПт Мар 11, 2016 9:15 pm автор Morena

» Защита от интриг и психологического давления
Канон покаянный ко Господу нашему Иисусу Христу EmptyПт Мар 11, 2016 9:14 pm автор Morena

» "Совесть должника"
Канон покаянный ко Господу нашему Иисусу Христу EmptyПт Мар 11, 2016 9:13 pm автор Morena

» Молитва на послушание
Канон покаянный ко Господу нашему Иисусу Христу EmptyЧт Мар 03, 2016 3:13 pm автор Morena

» Расклад на перспективы выздоровления
Канон покаянный ко Господу нашему Иисусу Христу EmptyСр Мар 02, 2016 11:01 pm автор Morena

Форум
Кто сейчас на форуме
Сейчас посетителей на форуме: 1, из них зарегистрированных: 0, скрытых: 0 и гостей: 1

Нет

Больше всего посетителей (132) здесь было Пн Июл 31, 2017 5:59 pm

 

 Канон покаянный ко Господу нашему Иисусу Христу

Перейти вниз 
АвторСообщение
Morena
Admin
Morena


Сообщения : 480
Очки : 4378
Дата регистрации : 2016-02-18
Возраст : 41

Канон покаянный ко Господу нашему Иисусу Христу Empty
СообщениеТема: Канон покаянный ко Господу нашему Иисусу Христу   Канон покаянный ко Господу нашему Иисусу Христу EmptyЧт Фев 18, 2016 8:27 pm

Глас 6-й, Песнь 1
Ирмо́с: Яко по суху пешешествовав Израиль, по бездне стопами, гонителя фараона видя потопляема, Богу победную песнь поим, вопияше.
Припев: Помилуй мя, Боже, помилуй мя.
Ныне приступих аз грешный и обремененный к Тебе, Владыце и Богу моему; не смею же взирати на небо, токмо молюся, глаголя: даждь ми, Господи, ум, да плачуся дел моих горько.
Припев: Помилуй мя, Боже, помилуй мя.
О, горе мне грешному! Паче всех человек окаянен есмь, покаяния несть во мне; даждь ми, Господи, слезы, да плачуся дел моих горько.
Слава Отцу и Сыну и Святому Духу.
Безумне, окаянне человече, в лености время губиши; помысли житие твое, и обратися ко Господу Богу, и плачися о делех твоих горько.
И ныне и присно и во веки веков. Аминь.
Мати Божия Пречистая, воззри на мя грешного, и от сети диаволи избави мя, и на путь покаяния настави мя, да плачуся дел моих горько.

Песнь 3
Ирмо́с: Несть свят, якоже Ты, Господи Боже мой, вознесый рог верных Твоих, Блаже, и утвердивый нас на камени исповедания Твоего.
Припев: Помилуй мя, Боже, помилуй мя.
Внегда поставлени будут престоли на судищи страшнем, тогда всех человек дела обличатся; горе тамо будет грешным, в муку отсылаемым; и то ведущи, душе моя, покайся от злых дел твоих.
Припев: Помилуй мя, Боже, помилуй мя.
Праведницы возрадуются, а грешнии восплачутся, тогда никтоже возможет помощи нам, но дела наша осудят нас, темже прежде конца покайся от злых дел твоих.
Слава Отцу и Сыну и Святому Духу.
Увы мне великогрешному, иже делы и мысльми осквернився, ни капли слез имею от жестосердия; ныне возникни от земли, душе моя, и покайся от злых дел твоих.
И ныне и присно и во веки веков. Аминь.
Се, взывает, Госпоже, Сын Твой, и поучает нас на доброе, аз же грешный добра всегда бегаю; но Ты, Милостивая, помилуй мя, да покаюся от злых моих дел.

Седален, глас 6-й
Помышляю день страшный и плачуся деяний моих лукавых: како отвещаю Безсмертному Царю, или коим дерзновением воззрю на Судию, блудный аз? Благоутробный Отче, Сыне Единородный и Душе Святый, помилуй мя.

Богородичен
Слава Отцу и Сыну и Святому Духу. И ныне и присно и во веки веков. Аминь.
Связан многими ныне пленицами грехов и содержим лютыми страстьми и бедами, к Тебе прибегаю, моему спасению, и вопию: помози ми, Дево, Мати Божия.

Песнь 4
Ирмо́с: Христос моя сила, Бог и Господь, честная Церковь боголепно поет, взывающи от смысла чиста, о Господе празднующи.
Припев: Помилуй мя, Боже, помилуй мя.
Широк путь зде и угодный сласти творити, но горько будет в последний день, егда душа от тела разлучатися будет: блюдися от сих, человече, Царствия ради Божия.
Припев: Помилуй мя, Боже, помилуй мя.
Почто убогаго обидиши, мзду наемничу удержуеши, брата твоего не любиши, блуд и гордость гониши? Остави убо сия, душе моя, и покайся Царствия ради Божия.
Слава Отцу и Сыну и Святому Духу.
О, безумный человече, доколе углебаеши, яко пчела, собирающи богатство твое? Вскоре бо погибнет, яко прах и пепел: но более взыщи Царствия Божия.
И ныне и присно и во веки веков. Аминь.
Госпоже Богородице, помилуй мя грешного, и в добродетели укрепи, и соблюди мя, да наглая смерть не похитит мя неготоваго, и доведи мя, Дево, Царствия Божия.

Песнь 5
Ирмо́с: Божиим светом Твоим, Блаже, утренюющих Ти души любовию озари, молюся, Тя ведети, Слове Божий, истиннаго Бога, от мрака греховнаго взывающа.
Припев: Помилуй мя, Боже, помилуй мя.
Воспомяни, окаянный человече, како лжам, клеветам, разбою, немощем, лютым зверем, грехов ради порабощен еси; душе моя грешная, того ли восхотела еси?
Припев: Помилуй мя, Боже, помилуй мя.
Трепещут ми уди, всеми бо сотворих вину: очима взираяй, ушима слышай, языком злая глаголяй, всего себе геенне предаяй; душе моя грешная, сего ли восхотела еси?
Слава Отцу и Сыну и Святому Духу.
Блудника и разбойника кающася приял еси, Спасе, аз же един леностию греховною отягчихся и злым делом поработихся, душе моя грешная, сего ли восхотела еси?
И ныне и присно и во веки веков. Аминь.
Дивная и скорая помощнице всем человеком, Мати Божия, помози мне недостойному, душа бо моя грешная того восхоте.

Песнь 6
Ирмо́с: Житейское море, воздвизаемое зря напастей бурею, к тихому пристанищу Твоему притек, вопию Ти: возведи от тли живот мой, Многомилостиве.
Припев: Помилуй мя, Боже, помилуй мя.
Житие на земли блудно пожих и душу во тьму предах, ныне убо молю Тя, Милостивый Владыко: свободи мя от работы сея вражия, и даждь ми разум творити волю Твою.
Припев: Помилуй мя, Боже, помилуй мя.
Кто творит таковая, якоже аз? Якоже бо свиния лежит в калу, тако и аз греху служу. Но Ты, Господи, исторгни мя от гнуса сего и даждь ми сердце творити заповеди Твоя.
Слава Отцу и Сыну и Святому Духу.
Воспряни, окаянный человече, к Богу, воспомянув своя согрешения, припадая ко Творцу, слезя и стеня; Той же, яко милосерд, даст ти ум знати волю Свою.
И ныне и присно и во веки веков. Аминь.
Богородице Дево, от видимаго и невидимаго зла сохрани мя, Пречистая, и приими молитвы моя, и донеси я Сыну Твоему, да даст ми ум творити волю Его.

Кондак
Душе моя, почто грехами богатееши, почто волю диаволю твориши, в чесом надежду полагаеши? Престани от сих и обратися к Богу с плачем, зовущи: милосерде Господи, помилуй мя грешнаго.

Икос
Помысли, душе моя, горький час смерти и страшный суд Творца твоего и Бога: Ангели бо грознии поймут тя, душе, и в вечный огнь введут: убо прежде смерти покайся, вопиющи: Господи, помилуй мя грешнаго.

Песнь 7
Ирмо́с: Росодательну убо пещь содела Ангел преподобным отроком, халдеи же опаляющее веление Божие, мучителя увеща вопити: благословен еси, Боже отец наших.
Припев: Помилуй мя, Боже, помилуй мя.
Не надейся, душе моя, на тленное богатство и на неправедное собрание, вся бо сия не веси кому оставиши, но возопий: помилуй мя, Христе Боже, недостойнаго.
Припев: Помилуй мя, Боже, помилуй мя.
Не уповай, душе моя, на телесное здравие и на скоромимоходящую красоту, видиши бо, яко сильнии и младии умирают; но возопий: помилуй мя, Христе Боже, недостойнаго.
Слава Отцу и Сыну и Святому Духу.
Воспомяни, душе моя, вечное житие, Царство Небесное, уготованное святым, и тьму кромешную и гнев Божий злым, и возопий: помилуй мя, Христе Боже, недостойнаго.
И ныне и присно и во веки веков. Аминь.
Припади, душе моя, к Божией Матери и помолися Той, есть бо скорая помощница кающимся, умолит Сына Христа Бога, и помилует мя недостойнаго.

Песнь 8
Ирмо́с: Из пламене преподобным росу источил еси и праведнаго жертву водою попалил еси: вся бо твориши, Христе, токмо еже хотети. Тя превозносим во вся веки.
Припев: Помилуй мя, Боже, помилуй мя.
Како не имам плакатися, егда помышляю смерть, видех бо во гробе лежаща брата моего, безславна и безобразна? Что убо чаю, и на что надеюся? Токмо даждь ми, Господи, прежде конца покаяние. (Дважды)
Слава Отцу и Сыну и Святому Духу.
Верую, яко приидеши судити живых и мертвых, и вси во своем чину станут, старии и младии, владыки и князи, девы и священницы; где обрящуся аз? Сего ради вопию: даждь ми, Господи, прежде конца покаяние.
И ныне и присно и во веки веков. Аминь.
Пречистая Богородице, приими недостойную молитву мою и сохрани мя от наглыя смерти, и даруй ми прежде конца покаяние.

Песнь 9
Ирмо́с: Бога человеком невозможно видети, на Негоже не смеют чини Ангельстии взирати; Тобою же, Всечистая, явися человеком Слово Воплощенно, Егоже величающе, с небесными вои Тя ублажаем.
Припев: Помилуй мя, Боже, помилуй мя.
Ныне к вам прибегаю, Ангели, Архангели и вся небесныя силы, у Престола Божия стоящии, молитеся ко Творцу своему, да избавит душу мою от муки вечныя.
Припев: Помилуй мя, Боже, помилуй мя.
Ныне плачуся к вам, святии патриарси, царие и пророцы, апостоли и святителие и вси избраннии Христовы: помозите ми на суде, да спасет душу мою от силы вражия.
Слава Отцу и Сыну и Святому Духу.
Ныне к вам воздежу руце, святии мученицы, пустынницы, девственницы, праведницы и вси святии, молящиися ко Господу за весь мир, да помилует мя в час смерти моея.
И ныне и присно и во веки веков. Аминь.
Мати Божия, помози ми, на Тя сильне надеющемуся, умоли Сына Своего, да поставит мя недостойнаго одесную Себе, егда сядет судяй живых и мертвых, аминь.

Молитва
Господи Иисусе Христе, Сыне Божий, помилуй мя грешнаго.
Владыко Христе Боже, Иже страстьми Своими страсти моя исцеливый и язвами Своими язвы моя уврачевавый, даруй мне, много Тебе прегрешившему, слезы умиления; сраствори моему телу от обоняния Животворящаго Тела Твоего, и наслади душу мою Твоею Честною Кровию от горести, еюже мя сопротивник напои; возвыси мой ум к Тебе, долу поникший, и возведи от пропасти погибели: яко не имам покаяния, не имам умиления, не имам слезы утешительныя, возводящия чада ко своему наследию. Омрачихся умом в житейских страстех, не могу воззрети к Тебе в болезни, не могу согретися слезами, яже к Тебе любве. Но, Владыко Господи Иисусе Христе, сокровище благих, даруй мне покаяние всецелое и сердце люботрудное во взыскание Твое, даруй мне благодать Твою и обнови во мне зраки Твоего образа. Оставих Тя, не остави мене; изыди на взыскание мое, возведи к пажити Твоей и сопричти мя овцам избраннаго Твоего стада, воспитай мя с ними от злака Божественных Твоих Таинств, молитвами Пречистыя Твоея Матере и всех святых Твоих. Аминь.
Вернуться к началу Перейти вниз
https://knigamaga.forum2x2.ru
 
Канон покаянный ко Господу нашему Иисусу Христу
Вернуться к началу 
Страница 1 из 1
 Похожие темы
-
» Акафист Иисусу Сладчайшему
» Канон Ангелу Хранителю
» Канон молебный ко Пресвятой Богородице

Права доступа к этому форуму:Вы не можете отвечать на сообщения
Книга Мага :: Молитвы, заговоры, шепотки :: Молитвы на все случаи жизни-
Перейти: